CATICLAN=BORACAY BRIDGE INDI MAPAHINUGUTAN

31

Kalibo, Aklan – Ginapamantaw ni Jetty Port Administrator Archetic Nieven Maquirang nga indi magsugot
ro Aklan Provincial Government nga matabo ro proposal it San Miguel Corporation SMC nga butangan it
tulay ro Caticlan patabok sa Boracay.
Suno kay Maquirang, haeos nakadepende sa kita it Caticlan ang Cagban Jetty Port ro Social kapin pa ro
Health services it probinsiya paagi sa P100 nga terminal fee halin sa mga turista nga nagatabok ag guwa
sa isla it Boracay.
Kon pahinugutan rayang proposal it SMC suno kay Maquirang apektado gid ro nasambit nga mga
services ngara it provincial government ag ro ginatos nga mga pump boat operators, kabangdanan sa
anang panan awan indi gid raya madayon.
Rason mat-a it SMC kon mahuman ro tulay madecongest ro isla, mapaeumo ro pagdeliver it fresh water
services, electricity ag telecommunication lines kamana man ro construction it sewage system.
Ipaidaeom sa Public Private Partnership PPP ro nasambit nga pagpatindog it worth P3 billion nga
Caticlan=Boracay Bridge, kon siin ro private partner nga SMC ro mapaobra kabaylo ko 15 to 20 years nga
sanda anay ro magasukot it terminal fee sa mga turista.
Suno pa gid kay Maquirang nga abo pang agyan kapareho ko Aklan Sangguniang Panlalawigan ro
nasambit nga proposal ag para kana imposible rayang mapahinugutan…

Facebook Comments