CAUAYAN CITY – Pormal nang binuksan ang Cauayan City Athletic Association Meet 2024 ngayong araw ika-10 ng Enero sa BGD Sports Complex Brgy. Tagaran, Cauayan City, Isabela.
Mahigit isang daang kalahok mula sa mga pribado at pampublikong paaralan sa lungsod ang lumahok sa taunang aktibidad.
Dumalo naman ang mga miyembro ng Sangguniang Panlungsod upang ipakita ang kanilang suporta sa mga Cauayenong atleta.
Ang pagbubukas ng programa ay sinimulan sa isang makulay na parada, kung saan ipinakita ang mga kalahok na magtutunggali sa iba’t ibang larangan ng palaro.
Kaugnay nito, ang city meet ay magtatagal hanggang bukas, Enero 11.
Samantala, nakaantabay ang Cauayan City Disaster Risk Reduction and Management Office (CDRRMO) upang matiyak ang kaligtasan at kalusugan ng mga atleta sa buong aktibidad.
