Causa na muerte del Marino

162

Dead on Arrival na Basilan Community Hospital si Corporal Jhunrey Lauriaga miembro del Phil. Marines designao na Provincia de Jolo despues ya keda este victima de tiro pasada alas dies del aga este dia.

Asegun con Supt. Resty Pangusban abordo el victima na su motor hunto con su nobya kwando derepente ya aparece el maga suspechao riding in tandem y sin provocasyon ya tira con el victima. Un fatal tupada de bala ya sustene na cabeza del victima que amo ya causa el desde derepente muerte. El incidente ya ocuri kwantos metro lang el distancia desde na estasyon del Maritime Police na pantalan local na barangay Port Area del mencionao ciudad.


Asegun ay enderesa era el soldao para na isla de Malamawi hunto con su nobya para refreska kwando ya ocuri el incidente.

El policia na ciudad ta estudya aura con el angulo de Agravio Personal como amo el posible motivo del crimen.

Si Corporal Lauriaga amo el aka segundo victima de tiro na ciudad de Isabela dentro este mes de Enero ammediante el continuando implementasyon del Martial Law.

Facebook Comments