Kinumpirma ng Philippine Army ang “delistment” bilang reservist ni Cavite Representative Kiko Barzaga.
Ayon kay Philippine Army Spokesperson Col. Louie dema-Ala, ang nasabing delistment ay naging epektibo noong Setyembre 21.
Dagdag pa ni Spokesperson dema-Ala, ang nasabing pagtangal ay kasunod ng masusing review dahil sa grave offenses ng nasabing representative.
Kaugnay nito, hindi na otorisado si Rep. Barzaga na magsuot ng military uniform alinsunod sa Revised Penal Code Article 177 o Usurpation of Authority of Official Function at RPC Article 179 o Illegal Use of Uniforms and Insignias.
Dagdag pa nito, pinagbawalan na rin si Rep. Barzaga na maging parte ng AFP Regular at Reserve Force sa hinaharap.
Binigyang-diin naman ng AFP na ang nasabing administratibong aksyon ay hindi sumasalamin sa personal na karakter o ang pagseserbisyo sa publiko ni Rep. Barzaga.
