CCTV footage sa mga mipatay ni Judge Abul gunit na sa SOCO

Bisan pa man nga ang kapulisan pakyas pa gihapon pag-ila sa suspect nga mipusil kang Judge Godofredo Abul Jr, apan ang CCTV footage nga magpakita sa panagway sa mga suspect gunit na karun sa kapulisan.

Kini giisip sa gimugnang Special Investigation Task Group “Judge Abul” nga bag-ong development sa pagpatay sa Huwes.

Gibutyag ni PSI Emerson Alipit, spokesman sa Butuan City Police Office (BCPO) nga nakuha na nila ang kopya sa CCTV sa lugar ug ipa-enhance pa kini pinaagi sa PNP Cyber-crime Unit aron makita ang panagway sa mga nakasakay sa motorsiklo.


Nakuha sa CCTV ang duha ka mga single motor nga paggawas gikan sa crime scene diin ang usa nagkalo samtang naka-helmet usab ang laing sakay sa motor.

Dili pa hinoon matumbok sa kapulisan kung kauban ba sa krimen ang nagsakay sa duha ka motor mao’ng kini karon ang gitutukan sa imbistigasyon.

Gipahayag ni Police Supt. Martin Gamba, spokesman sa Police Regional Office 13, nga apil ang huwes sa unang listahan sa pangulo sa NARCO LIST.
Ang maong alegasyun, ang una nang gipanghimakak ni Judge Abul, sa wala pa kini pahamtangi sa suspension sa Supreme Court sulod sa unom ka bulan.

 

Facebook Comments