Sa interbyu sa DXDC RMN Davao kang Police Senior Master Sergeant (PSMS) Ian Roy Ildefonso, imbestigador sa Magsaysay MPS, gisulti niini nga aduna silay gina-check nga footages sa (closed-circuit television) CCTV sa lugar nga makatabang sa pag-ila sa mga suspek diin anaa sa tulo ka tawo ang giingon sa biktima nga nitulis kaniya nga maoy nitangag sa iyahang koleskyon nga kwarta sa iyang negosyo nga P50,000.
“Continuous lang ang among investigation. Ang detalye sa suspects negative pa. Naa mi (kuha sa CCTV) pero gina-confirm pa,” sulti sa imbestigador.
Kahinumduman nga naglakaw lamang ang biktima sa dihang giduol kini sa mga tulisan ug gikuha ang iyahang bag.
Gawas niini, gihuboan pa ang biktima ug gipasoan og sigarilyo ang iyahang dughan ug paa. Padayon usab karon nga gina-monitor ang biktima human na-trauma sa maong panghitabo.
Pahimangno sa kapulisan sa publiko nga likayan nga mag-inusarang magbaktas ilabi na kung adunay dalang dakong kantidad sa kwarta aron malikayan ang unsa mang insidente.
RadyoMaN Kirby Manzon
