Davao City – Nagpadala na og sulat si Davao City Mayor Sara Duterte-Carpio ngadto sa Archdiocese of Davao isip hangyo nga mag montar og CCTV cameras sa sulod ug gawas sa mga simbahan.
Kini mao ang gikumpirma sa Public Safety and Security Command Center (PSSCC) head Ret. Col. Benito de Leon atol sa iSpeak nga nahitabo karong semanaha.
“There was a recent letter coming feom the City Mayor requesting the Catholic church and parishes to install (CCTVs) and as of now they are discussing on how to abide,” sumala niini.
Gikanayon ni de Leon nga tumong niini aron mamahimong luwas ang mga manimbahay sa tanang places of worships dinhi sa dakbayan ilabi na sa pagkomemorar karong Semana Santa.
“As to whether everybody has installed CCTVs hindi pa po lahat,” matud niini.
Saysay sa kanhi police nga magboluntaryo ang ilang mga personahe lakip ang DCPO ug Task Force Davao nga mutabang ngadto sa mga establisemento nga mangayo og technical assistance atol sa pagtaod sa maong mga cameras.
Dugang ni de Leon nga adunay baguhay lang naaprubahang dugang 200 procurement sa mga CCTVs diha sa major thoroughfares diin gipondohan kini og P34,000,000.
RadyoMaN Jason Amisola
