General Santos City— Nanawagan ngadto kang gensan city Mayor Ronnel Rivera si City Councilor Atty. Franklin Gacal Jr., chairman sa Peace And Order nga hangyuon ang hierarchy kapulisan nga ilisdan o tanggalon isip City Director sa Gensan City Police Office si Police Senior Superintendent Raul Supiter.
Pamahayag niini nga iyahang gika-alarma ang mga nahitabong mga patay sa dakbayan sa gensan ingon man ang mga insidente sa bukas o basag kotse ug ang pagkaag sa gika-ingong bunal gang nga nagapangulata gumikan sa mga pagpang-trip.
Dugang pamahayag ni kag. Gacal nga luyo pa man sa tabang ug suporta sa lokal nga panggamhanan, anaa man gihapon ang krimen ug walay kasulbaran.
Samtang gibutyag ni Gensan City Mayor Ronnel Rivera nga nakig-alayon na siya sa regional office sa kapulisan ilalom ni Police Chief Superintendent Eliseo Rasco Regional Director sa PRO 12 aron nga i-assess ang performance ni PSSupt. Supiter.
Apan iyahan gipaklaro nga gawas sa assessment sa labaw sa kapulisan sa dakbayan, nangayo na usab siya ug dugang pwersa gikan sa Police Regional Office 12 ug iyaha nalang ga ginapa-abot ang ilahang meeting sa labaw sa kapulisan sa rehiyon.
Pagpaklaro niya gawas sa City Director lakip sa iyahang ginapa-evaluate mao ang performance sa mga chief of police gumikan bisan ug mas gipakusgan na ang mga checkpoint ug anaa ilalom sa martial law, aduna gihapo’y mga krimen nga matala.
Sa kabahin, ni Police Senior Superintendent Supiter, andam matud pa siya nga mukanaug isip City Director sa Gensan City Police Office higayon nga dili na siya epekto nga opisyal.
Saysay niya nga siya anaa sa maong posisyon gumikan sa mando gikan sa national headquarters ug unsa mang oras andam iya nga mubiya higayon nga pakanaugan ug order.
Apan gihingusgan niini nga isip City Director, iyaha matud pang ginahimo ang tanan aron nga mahimo ang iyahang trabaho.
