Giwala na sa Camp Crame ang Cagayan de Oro gikan sa ilang listahan sa mga hot spot areas sa election sa Mayo.
Mao kini ang gibutyag ni Police Supt. Mardy Hortillosa, Spokesman sa Cagayan de Oro City Police Office kon COCPO.
Matud ni Hortillosa nga kini nagpasabot nga naa na sa Orange code ang syudad sa Cagayan de Oro gikan sa red code sa Camp Crame.
Una pa niini, nagpadala sa position papers si City Director Senior Supt. Nelson Aganon sa Camp Crame ug iyang gipasabot ang tag-as nga mga opisyal sa PNP nga dili angay i-apil sa hot spot ang Cagayan de Oro sa election period kay walay mga election related violence nga nahitabo ning syudad sa milabayng mga piniliay.
Facebook Comments
