Gibuksan na kagahapong adlawa Nobyimbre 10, 2017 ang Cagayan de Oro Coastal Road nga maoy gituohang musulbad o di ba kaha makapagaan sa nagkaanam og kabug-at nga dagan sa trapiko sa dakbayan. Mao kini ang nagsilbing Bypass Road sa esteng bahin sa syudad nga nagsugod sa Brgy. Gusa ug mikonektar sa westeng bahin sa Brgy. Igpit sa Munisipalidad sa Opol kung diin dinhi ipaagi ang mga Bus, Six Wheeler Truck ug uban pang mga dagkong salakyan. Ang maong dalan adunay gitas-on nga 12.77 Km ug mikonektar sa 6 ka barangay sa syudad ug 2 sa Opol.
Sa pagkakaron nahimo kining bag-ong suruyanan sa mga residente sa maong dapit lakip na sa mga motorista nga gapangagi niing dalana tungod na usab sa ka patsada sa dalan ug sa talan-awon nga makita nimo sa daplin partikular na sa bahin sa dagat maski pa man og walay makitang personahe sa kapolisan o sa unsa mang ahensya sa gobyerno nga makahatag og seguridad sa mga buot mosuroy o motambay niining dalana. Apan adunay pahinumdom ang Punong Barangay sa Gusa kabahin sa mga guinadili niini niadtong buot motambay. Mao kini ang
1. Guinadili ang pag-standby daplin sa dalan lapas alas 10:00PM hangtud sa alas 4:30AM
2. Guinadili usab ang pag-inom niining dalana maski unsang orasa
3. Ug labaw sa tanan, guinadili usab ang paglabay og basura maski asang parte sa Coastal Road.
Ikaw idol, naka-agi ka na ba niining dalana? Sa imong tan-aw, patsada ba kining lugara suruyan? Maka-ako ka ba og tambay niining dapita? Aduna ka ba’y reaksyon o pangutana? Mamahimo nimong i-comment sa ubos.
