Sa kinatibuk-an nagmalinawon ang pagsaulog sa kapistahan ug sa Higalaay Festical sa Cagayan de Oro. Kini ang nasinati sa mga lumulupyo ang mga bisita sa siyudad atol sa maong celebrasyon. Ang Task Force Oro maoy gitugyanan sa kahusay ug kalinaw sa maong kasaulugan nga milungtad ug usa ka bulan.
Lakip niini mao ang nag-unang mga aktibidadis nga giatangan sa kadaghanan sama sa Miss CDO Coronation, Street Dancing, Civic-Military and Float Parade Fluvial Parade, St Augustine Procession, Duaw Park Fireworks Display ug Pyro-Musical Show sa SM Uptown.
Ang pagpatay sa signal sa cellular phones atol sa mga dagkung kalihukan Kini gitumong aron malikayan ang posibleng pagpamomba sa panahon nga magkatapok ang bagang duot sa katawhan sa pagsaulog sa kapistahan kini pagtubag sa hangyo sa Mayor sa mga NTC ug sa mga kompaniya sa telecommunication sa pag sanong sa maong pagpanagana alang sa kaluwasan sa kadaghanan.
Ang lokal nga kagamhanan sa siyudad mapasalamaton sa tanang mga nagtambayayong aron mahimong malampuson ang pagsaulog sa tinuig nga kapistahan ug Higala-ay Festival. Lakip na ang mga bisita nga niduaw sa dakbayan aron masaksihan ang giandam nga mga pasundayag ug mga kalingawan. Gipasalamatan usab ang mga Kagy-anon sa pagkooprar sa kapolisan panahon sa kapistahan.
