Davao City – Angay sumala pang magbaton og kaugalingong assessment ang matag barangay, eskwelahan, business establishments, government offices ug uban pa human sa ipahigayong citywide shake out drill sa adlaw’ng Biyernes, July 26, 2019.
Sa interbyu sa DXDC RMN Davao kang Rodrigo Bustillo, head sa Davao City Disaster Risk Reduction Management Council (CDRRMC) gibutyag niini nga ang matag area na mismo ang mo-evaluate kung unsa pa ang kakulangon ug angay i-improbar nga angay makita sa aktwal nga sitwasyon panahon sa kalamidad.
“This is what we called self-reliant drill. So kung baga dili ta nagahulat nga dunay mo-evaluate sa ato kay tan-awon kung perfect ang atong drill o dili,” saysay ni Bustillo.
Una nang gipanawagan ni Bustillo nga angay seryosohon ang nahisgutang drill aron magbaton og igong kahibalo ang tanan ug maluwas sa peligro panahon sa katalagman.
“Kining atong himuon nga citywide earthquake drill karong July 26 at 9’oclock in the morning ato ning seryosohon. Dili ta magsige’g magkatawa-katawa. Atong ibutang gayud nga duna gyoy linog nga nahitabo ug dunay tsunami,” tataw ni Bustillo.
RadyoMaN Kirby Manzon
