Davao City – Walay natala nga damyos sa Davao City epekto sa magnitude 5.2 nga linog gahapong adlawa kini matud sa Davao City Disaster Risk Reduction Management Office (CDRRMO).
Sa interbyu sa DXDC RMN Davao kang Alfredo Baloran, CDRRMO Head, walay natala nga damyos sa mga gambalay sa syudad diin nakasinati lamang og intensity 4 nga linog ang syudad.
Subling nagpahimangno si Baloran sa Dabawenyos nga kanunay mag-igmat ug mangandam tungod kay dili matag-an ang kalit nga paglinog.
“Dapat naa gyud ‘tay idea about sa mga procedures unsay dapat himoon kung adunay earthquake. Dili gyud ‘ta magpanic. I-perform nato ang duck, cover and hold” sulti ni Baloran.
Kahinumdoman nga ang linog nasinati alas 04:43 sa kaadlawon, adlawng Lunes diin epicenter niini ang New Bataan, Davao De Oro.
RadyoMaN Don Pulayao
Facebook Comments
