Davao City – Padayong nanawagan ang City Disaster Risk Reduction and Management Office (CDRRMO) sa mga namuyo duol sa sapa nga mobalhin og puy-anan aron masegurong luwas kontra kalamidad.
Sa interbyu sa DXDC RMN Davao kang CDRRMO Chief Alfredo Baluran, gibutyag niini sa usa ka semana kaduha hangtod katulo nagpagula’g advisory sa pre-emptive evacuation, ang CDRRMO sa mga peligrosong lugar diin namuyo ang mga residente sa panahon nga motaas na usab ang tubig sa mga sapa.
“Para dili sila mahasol, para dili sila madisturbo sa sige’g preemptive sa panahon sa ting-ulan, pagbaha nga mahitabo likayan nila ng mga lugara na,” matud niini.
Niadtong Hunyo 13, 2021, 61 ka mga residente sa Bunawan ning syudad ang gipabakwit.
Matud ni Baluran walay mga natalang casualty, apan padayon kining nagpahimangno sa katawhan nga namuyo sa landslide ug flood prone areas nga mag-igmat ug dili na magpaabot nga adunay rescue operation nga himoon.
RadyoMaN Aimee Guinita
