Davao City – Subling nagpahimangno ang City Disaster Risk Reduction Management Office (CDRRMO) sa mga nagpuyo sa daplin sa kasapaan ilabi na sa mga Barangay nga naa sa Landslide Prone Areas nga magma-igmat ug mangandam kanunay nunot sa nasinatian mga pag-ulan dala sa Low Pressure Area (LPA) diin naapektohan usab ang Davao Region.
Sumala ni Alfredo Baloran CDRRMO Chief human nahinabi sa DXDC RMN Davao, ginamonitor karon ang mga dagkong sapa sa Bunawan, Davao, Matina Pangi ug Lipadas River.
Gipasabot ni Baloran, ang nasinatian karon nga pag-ulan posibleng molungtad pa hangtud sa adlaw’ng Biyernes, Disyembre 6, 2023.
“Kailangan nga mangandam kanunay atong mga kaigsuonan dili lang magkompyansa, kanunay mag observe diha sa gipangpoy-an, especially sa landslide phone area nga i-remind gyud kanunay ang mga tawo nga didto nagpuyo,” sulti ni Baloran.
RadyoMaN Don Pulayao
Facebook Comments
