Davao City – Giadtuan na sa mga personahe sa Davao City Disaster Risk Reduction Management Office (CDRRMO) ang nahitabong landslide sa Sitio Pag-asa, Brgy.Malabog, Paquibato District syudad sa Davao.
Sa interbyu sa DXDC RMN Davao kang Alfredo Baloran, CDRRMO Head nga iya na kining gipasusi sa mga CDRRMO personnel ug padayon ang gihimong assessment sa maong buhatan kalabot sa nahitabong landslide.
Samtang nahinabi usab sa Team sa DXDC si Brgy. Malabog Paquibato District Kapitan Jessielito Areja ug gibutyag niini nga ang mga lugar nga nakasinati og landslide sa iyang barangay mao ang Purok 13 Pag-asa, Sitio Kialaw, Sitio Panigan-Tamugan ug Sitio Lagdik.
Gidugang ni Areja nga mga gagmay lang nag sakyanan ang mamahimong muagi sa maong kalsada.
Hinuon walay casualty o samdan atol sa pagdahili sa yuta niadtong milabay’ng gabii Enero 26,2023.
RadyoMaN Don Pulayao
Facebook Comments
