Davao City – Lauman nga hangtod pa sa bulan sa Oktubre makasinati’g pag-ulan ang dakbayan sa Davao.
Gihangyo ni City Disaster Risk Reduction and Management Office (CDRRMO) Chief Alfredo Baluran ang publiko nga mag-igmat ug dili magkompiyansa.
Panawagan ni Baluran nga dili na angayang pugson kung kinahanglang mobakwit aron walay mga kinabuhing mabutang sa peligro.
“Ang objective sa CDRRMO kung mamahimo walay rescue nga himuon ba. Ang appeal namo sa mga tao kung naay ipatuman nga preemptive evacuation motuman nalang ug dili na magmagahi,” sumala ni Baluran
Samtang nag-andam na ang CDRRMO og uban pang mga evacuation areas gawas sa mga existing evacuation areas sa matag Barangay aron istriktong matuman ang physical distancing sa mga evacuees.
RadyoMaN Aimee Guinita
