Davao City – Giklaro sa Tagum City Disaster Risk Reduction and Management Office (CDRRMO) nga regular nga ginaatiman sa City Environment and Natural Resources Office (CENRO) ang mga palm tree sa syudad.
Sa interbyu sa DXDC RMN Davao kang Rogelio Balones, personahe sa CDRRMO, gisaysay niini nga ubay-ubay na usab ang nadisgrasya human aksidenteng natagakan og palwa sa palm tree diin sagad kini mahitabo kung ting-ulan o kusog ang hangin.
“Sa normal nga days, naa man gyoy naga-roving diha nga CENRO. Gina-check gyud na nila ang mga punuan kung naa pa bay tanggalonon o hapit na matagak na nga dahon. Dili lang ni karon nahitabo. Daghan napud ang nabiktima diha regarding aning palwa lagi nga matagak pag lain ang panahon.”
Gi-abisohan sa CDRRMO ang mga motorista nga likayan ang pagsubay duol sa palm trees ilabi na kung dili maayo ang dagan sa panahon aron malikayan ang disgrasya.
RadyoMaN Kirby Manzon
Facebook Comments
