Gihangop ni Cebu First District Congressman Gerald Anthony “Samsam” Gullas ang plano ni kanhi Talisay City Mayor Johnny “JVR” Delos Reyes nga modagan batok kaniya sa pagka-mayor sunod tuig .
Ang 33-anyos nga kongresista ug apo sab sa kasamtangang Mayor sa Talisay City nga si Eduardo Gullas niangkon nga iyang gikonsidera ang kanhi mayor isip ‘formidable opponent’ .
Nitug-an si Samsam nga ang iyang rason nganong gikonsidera siya sa ingon si Delos Reyes mao ang pagpildi niini sa iyang lolo atol niadtong milabay’ng 2013 elections nga nag-atbang sa Mayoral race sa maong piniliay .
Gipanglantawan sab sa kongresista nga mamahimong challenging ang sunod tuig nga eleksyon subay ning si Delos Reyes ang iyang makaatbang sa umaabot nga piniliay .
Kahinumduman nga opisyal nang nikumpirmar si Kongresista Samsam Gullas nga modagan pagka-mayor alang sa Talisay samtang ang iyang lolo nga si incumbent Talisay City Mayor Eduardo Gullas magpapili sa pagka-kongresista sa 2019 elections .
