Human usa ka armadong lalaki ang napatay sa mga pulis sud sa Archbishop`s Residence , nanawagan karon ang Arsobispo sa Sugbu nga si Jose Palma nga magpabiling kalmado ang publiko ug likayan ang paghimo ug mga ispikulasyon labot sa hitabo.
Si Palma nihimo sa iyang pahayag pinaagi ni Cebu Auxilliary Bishop Dennis Villarojo human napusilan patay sa mga pulis sa ingkuwentro ang lalaki nga nailhan nga si Jeffrey Cañedo nga nisud sa Archbishop`s Palace compound sa D. Jakosalem Street ug nangita kaniya sa wa pa kini napusili.
Sa statement sa Cebu Archdiocese , gitataw usab niini nga way nadawat nga hulga sa kinabuhi batok sa Arsobispo .
Nasayran usab sa pamilya ni Cañedo nga nakasinati diay kini ug depresyon human nagkabuwag sa asawa niini .
Ang patayng lawas nini gibendisyonan ni Bishop Villarojo human nakompleto sa kapolisan ang pagkuha ug mga ebidensiya gikan sa crime scene.
