*Gidayeg ni Cebu Governor Hilario Junjun Davide III, ang kampaniya ni Presidente Rodrigo Duterte kontra droga nga iyang gihulagway nga nakapakinto na sa mga tawo nga nalambigit sa iligal nga drugas.*
*Ang war on drugs maoy usa sa mga highlights ni Duterte sa iyang ikatulo nga State of the Nation Address kon SONA, kagahapong adlawa.*
*Nakadayeg usab ang gobernador sa pagbarug sa presidente batok sa problima sa korapsyon sa nasud.*
*Naobserbahan usab ni Davide nga pintok , mubo ug direkta sa punto ang SONA ni Duterte.*
*Gidugang sa gobernador nga nalipay usab siya sa panawagan sa Pangulo sa mga local government units kon LGU’S nga motabang aron mapanalipdan ang kalikopan ingun man ang pag drat sa federal charter diin niawhag si Duterte ug suporta gikan sa publiko niini.*
*Niining lain na usab nga tuig sa termino sa presidente, gipanghinaot sa gobernador nga lingi-on niini ang kahimtang sa ekonomiya sa nasud, ilabi na ang sentimyento sa daghang Pilipino nga wala makauyon sa gipatuman nga TAX REFORM FOR ACCELERATION AND INCLUSION O TRAIN Law.*
*Matod ni Davide, ang pagsaka sa presyo sa batakang panginahanglan nakahatag na ug dakong kahasol ug kalisud sa publiko. Nihinay usab karon ang piso kontra dolyar, nga anaa na sa di momenus P53 sa matag US dollar.*
