Matapos na magdesisyon ang pamahalaan na limitahan muna sa 1,500 capacity ang international arrivals sa Ninoy Aquino International Airport mula March 18 hanggang April 18, 2021, nag-anunsyo na ang Cebu Pacific ng kanselasyon ng ilan nilang international flights.
Partikular sa mga kinansela ang mga sumusunod:
• Manila – Narita (Tokyo) – Manila
• Manila – Nagoya – Manila
Ang mga apektadong pasahero ay agad namang aabisuhan ng nasabing air carrier sa mga contact details ng mga ito na binigay sa airline.
Maaari ring magpa-rebook ang mga pasahero nang walang charges o di kaya ay magpa-refund ng kanilang tickets.
Ang kailangan lamang gawin ay bisitahin ang website ng Cebu Pacific.
Tiniyak naman ng CebuPac na tuloy ang kanilang operasyon para sa domestic flights.
