Ya ordena el National Telecommunications Commission (NTC) con el dos mga grande-grande Telecommunications Company que ta opera aqui na ciudad de Zamboanga para temporariamente suspende el servicio del mga “mobile phones” llegar alas-saiz luego denoche hasta alas nueve del noche.
Este orden del NTC ya bene desfues el govierno local y el security sector ya recomenda por el mensyonao curtada del mga linya de comunicaccion por el seguridad del publico durante el actividades del Zamboanga Hermosa Festival este dia.
Luego alas-seiz del noche hay conduci con el se llama “Parade of Lights” que hay principia ya Nuñez Extension para na vicinidad del City Hall donde hay termina este pormedio del siguiente actividad, el “Concierto de Ayuntamiento” y el “Balik Zambo Night” siguente alas-syete tambien del noche.
Ta dale aviso el telecommunications company con el publico para nomas estraña si nuay sila cignal del mga cellphone prinsipiando alas-seiz hasta alas-nueve luego denoche.- *Bhong Simbajon/RMN News*
