Cellphone sa kanhi beauty queen susihon

Naglisod ang Guadalupe Police Station sa pagkuha ug impormasyon gikan sa nadakpan nga si Teri Marina Colmenares kung diin kini ug suplay sa ilegal nga drugas nga nakuha gikan kaniya .

Ang hepe sa Guadalupe Police Station nga si Sr. Inspector Dexter Basirgo nibutyag nga padayong nagmagahi sa pagtug-an ang nadakpan nga si Colmenares kung kinsa ang nagsuplay sa druga nga nakuha gikan niini ug sa laing kauban niini nga si Nicole Allan Casiño .

Nagdumili usab sa pagtug-an ang suspek sa password sa iyang cellphone aron unta kini kabuksan sa pamasin nga makakuha ug impormasyon ang kapolisan .


Tungod niini mapugos sa pagpangayo ug tabang ang kapolisan ngadto sa Criminal Investigation and Detection Group-7 nga dunay kahimanan alang sa pag-abli sa iyang celphone .

Si Colmenares kanhi kandidata sa Binibining Cebu , nga nagrepresentar sa ilang lungsod sa Carmen .

Facebook Comments