Davao City – Nahimong proud ang mga dabawenyo human nakabalita nga nabalik ngadto sa usa ka delegado sa taga Bicol Region ang nabilin nga cellphone sulod sa taxi dinhi sa Davao City.
Sa post sa facebook fan page sa DXDC 621 RMN Davao, gi-comment sa usa ka Casiano Alid nga usa ka buotan nga taxi driver ang taga Davao ingon man masaligan gayud.
Ang maong impormasyon gibutyag ni Department of Education kun DepEd-XI spokesperson Jenielito ‘Dodong’ Atillo gani dako iyang pagpasalamat ngadto sa pagkamatinud-anan sa davao taxi driver.
Sa karon ginapanubayan pa sa Team DXDC Davao ang dugang detalye sa maong balita ingon man ang pangalan sa taxi driver.
Sa pikas bahin, nagpahinumdom ang otoridad nga ilabay sa basurahan ang mga plastics ug uban pang basura human nga pipila ka mga basura ang nakit-an sa mga lingkuranan sa palaro opening kagahapong adlawa, April 28, 2019.
RadyoMaN Renz Barbarona
