BACOLOD CITY – Natigayon nga madakpan ang isa ka lalaki matapos nga iya sini gin-snatch ang cellphone sang biktima nga nagasakay sa depasahero nga salakyan kagab-i sa Brgy. 6, ciudad sang Bacolod.
Nakilala ang suspek nga si John Etang, legal ang edad kag detained na karon sa Police Station 2.
Suno sa blotter report sang Police Station 2, pasado las 7 kagab-i sang natabo ang insidente sa area sang North Capitol Road, Brgy. 6.
Ginpahayag nga ang biktima nga babayi ang yara sa sulod sang isa ka pampasahero nga jeep sang gin-snatch sang suspek ang iya cellphone nga nagabalor sang P8 mil pesos (8 thousand).
Gilayon nga ginlagas sang pulis ang suspek gani natigayon ini nga madakpan kag na-recover naman ang cellphone.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
