Davao City- Dungan sa pagdugok gihapon sa mga tao karong adlaw sa mga kalag daghan usab nga mga sinakong mga basura ang makita sa mga sam-ang.
Niadto pang Oktubre 31 wala nay undang ang taga City Environment and Natural Resources Office kun (CENRO) sa pagkolekta sa mga basura diha sa mga sementeryo.
Segun ni Dolores Remojo, Cenro Environmental Waste Mgt Division Chief Specialist, nga wala kaayo silay problema sa mga pribadong sam-ang tungod kay dali ra man nga kolektahon ang ilang mga sinakong mga basura.
Matud ni Remojo nga ang ilang gipangandaman karon ang ilang himuong bayanihan sa mga pampublikong sam-ang nga ilang sugdan ugmang adlawa hangtod na karong Dominggo.
Gimanduan na niini ang tanang area in charge ug mga street sweepers nga limpyuhan ug una ang mga highways ug sulod mismo sa mga sementeryo.
RadyoMan Aimee Guinita
