Central 911 USAR, 2 sar dogs ug mga advance equipment gipadala sa LGU Davao sa Masara SAR Mission

Davao City- Gi-deploy na ngadto sa Masara, Maco, Davao De Oro ang Davao City Urban Search And Rescue (USAR) 911 Team kagahapong adlawa alas-3:00 sa hapon.

Sa interbyu sa DXDC RMN Davao kang ret. Col Alfredo Baloran, City Disaster Risk Reduction and Management Office, dihang nakadawat na sila og go signal sa Office of Civil Defense XI (OCD XI) nag-send off na sila sa mga personahe.

Niabot na kagabie ang Davao City USAR ug muapil na kini sa Inter-Agency Search and Rescue sa ground zero karong buntag.

Gibatbat ni Baloran, nakaprepara na sila niadtong Pebrero 6,2024 kung kinahanglan na silang ipatawag aron mutabang sa search and rescue mission sa ground zero.

Sumala niini, gatuman lang sila sa Incident Command System (ICS) protocol diin maggikan ang mando sa OCD 11 aron malikayan ang overcrowding ug dili mausik ang panahon sa mga disaster responders sa area.

Segun ni Baloran, 20 ka mga rescue personnel, duha ka Search and Rescue dogs nga sila Balto usa ka white – jack Russel ug si Twister nga usa ka black – belgian ug duha ka mga Flexi Trucks (Rescue Trucks) ang naglangkob sa gipadala nga mga team.

RadyoMaN Aimee Guinita <www.messenger.com/messenger_media/?attachment_id=923832665595992&message_id=mid.%24gAAlHvjQAoOqTwOfbAmNj6KLqBybZ&thread_id=2612157032210666>