Davao City – Init gihapon karon ang binigwasay tali sa tropa sa armadong kusog sa nasud kinsa nakigkumbate karon sa mga combatants sa Bangsamoro Islamic Freedom Fighters (BIFF) sa may Datu Unsay Ampatuan at Datu Saudi Ampatuan sa lalawigan sa Maguindanao.
Sa interbyu sa programang ‘Kolokabildo sa Radyo,’ gitataw karon ni Lt. Col. Gerry Besana, Philippine Army 6th Infantry Division, Civil Military Operations officer nga ang operasyon sa militar gitumong aron sa pag-neutralisar sa pwersa sa mga Islamic fighters kinsa padayong nakigtigi sa gobyerno.
Unang gikataho nga adunay 44 BIFF warriors nakabsan sa kinabuhi mientras 26 samaron base sa testimonya sa mga residente sa nahitaboan sa labing ulahing gubat.
Ang military strategic operations niresulta hinoon sa pagbakwit sa liboan ka mga apektadong residente ngadto sa mas luwas nga mga evacuation centers.
RadyoMaN June Duterte
