CEO: Planong magdugang og gabion o patas-an og 2 meters gikan sa creek sa mga bahaunon nga lugar sa Davao

Davao City – Plano sa City Engineers Office (CEO) nga mapatas-an ang gabion og 2 meters gikan sa mga creek ilabi na diha sa Barangay Bago Galllera padulong sa Barangay Bago Aplaya nga gibaha niadtong milabay’ng gabii Nobyembre 8, 2023.

Sumala ni Engr. Joey Felizarta OIC sa City Engineers Office gisulti niya, atol sa gipahigayong press conference kagabii Nobyembre 9, 2023 nga magpatawag sya og special meeting uban ang mga official gikan sa City Disaster Risk Reduction Management Office (CDRRMO) City Environment and Natural Resources Office (CENRO) ug Ancillary Services Unit (ASU) aron hisgutan ang problema sa pagbaha sa Davao apil na niini plano nga pagdugang og gabion og pag ilis sa mga tubo sa mga drainage kinahangalan ilisan na og mga box culvert aron dako maagian sa tubig panahon nga dunay pagbaha.

Gidugang sa opisyal, kinahanglan sab og dakong budget nga mapundohan sa pagdugang og mga gabion nga ipaagi pa gikan sa Department of Public Works and Highways (DPWH) XI.

Gipasabot sa opisyal, ang pagbaha sa Davao tungod sa gidugayon sa kusog nga ulan hinungdan nag overflow ang tubig sa mga creeks sa mga kanal ilabina ang pinaka apektado ang Barangay Bago Gallera diin ang pagbaha nasinatian gikan pa sa Barangay Mulig, Barangay Bangcas Heights, Barangay Baliok padulong na sa Barangay Bago Aplaya ning syudad.

RadyoMaN Don Pulayao