Ta conduci aura el City Engineers Office (CEO) con el evaluasyon del cuantos mga proyecto infrastractura que ya sale destrosao durante el pasao calamidad aqui na ciudad de Zamboanga.
Na entrevista del RMN Zamboanga enantes aga, el OIC City Engineer Christopher Navarro ya abla cay presentamente, ya endereza ya el su mga personajes compositao el technical team y mga inhinyero para verifica y evalua con el algun mga fuente, flood control, riprap, spillways, irrigation, desague,slope protection y seawall que ya destrosa durante el pasao mal tiempo.
Si Navarro ya abla cay presentamente, nuay pa sila acava con el pinal evaluasyon y el asumida del total destroso na infrastractura. En tiempo si acava sila el proseso, amo pa ele hay sumite coneste con el alcalde del ciudad para fuede pone pondo por el rehabilitasyon del mga destrosao infrastractura. – *Bhong Simbajon/RMN News*
