Ginsaka sang tatlo ka mga nagpakuno-kuno nga pasahero ang isa ka Ceres Liner bus nga padulong nag-agi sa Bangga Ibus, Barangay Tortosa, Manapla, Dominggo sang gab-i.
Ginkumpirmar man sang Police Regional Office – Western Visayas nga nagsaka ang tatlo sa bus sa ciudad sang Silay.
Pito ka mga persona ang yara sa sulod sang bus sang ginsulod ini sang tatlo ka mga wala nakilal-an nga lalaki, lakip na ang driver, konduktor kag lima ka mga pasahero.
Ginamaneho ni Glecerio Gao Jr. ang bus halin sa Bacolod City padulong sa ciudad sang Escalante upod ang iya konduktor nga si Narvin Tapang.
Paglab-ot sa banwa sang Manapla mga 7:45 sa gab-i, nagdeklarar sang hold-up ang tatlo samtang gintayaan ang mga pasahero sang armas kag bladed weapons.
Ginkilala ang mga pasahero nga sanday Jason Baya, 21; Dismond Magillano, 19; Chrishell Mae Mahinay; Kevin Lumanoy; kag Jhonvie Gallon.
Nakuha sa mga pasahero ang kolekyon sang konduktor nga nagabalor sang P2,000 kag ang P500 niya nga cash, subong man ang P4,300 nga cash halin sa lima ka mga pasahero.
Gilayon naman nga nanaug sa bus ang mga hold-upper.
Padayon ang imbestigasyon sang pulis sa insidente.
—————–
Like our official Facebook page: www.facebook.com/ifmbacolod943
