Isa ka Ceres bus ang nahulog sa pil-as sa bukid nga bahin sang barangay Fabrica, Hamtic, Antique pasado alas 9 subong lamang nga gab-i (Abril 5).
Sa inisyal nga report, halin sa siyudad sang Iloilo ang Ceres bus padulong sa San Jose, Antique sang magluntad ang nasambit nga aksidente sa bahin sang barangay Fabrica padulong sa barangay Igbucagay.
Sa pinakaulihi nga report, may tatlo ka pasahero ang patay , duha ka babaye kag isa ka lalaki, kag madamo pa ang pilason.
Ang lalaki nga napatay isa ka bag-o lang nag-graduate nga marine student sang JBLFMU-Arevalo kag taga-Belison, Antique.
Nagresponder naman sa ginluntaran sang aksidente ang ambulansya sang Hamtic, San Jose, Sibalum, Belison kag Dao, Antique agud magbulig rescue sa mga pilason nga pasahero.
Suno kay Police Staff Master Sgt. Liane Adores, 11 ang sakay sang ceres lakip na ang driver kag conductor.
