Ceres nagpatigayon sang misa sa lugar nga natabo ang aksidente nga ginkamatay sang 4 ka mga pasahero

DON SALVADOR BENEDICTO, NEGROS OCCIDENTAL – Nagpatigayon sang isa ka Holy Mass sini nga aga sa lugar kon diin nahulog ang isa ka bus sang Ceres Liner sadtong Lunes nga nagtuga sang kamatayon sang 4 ka mag biktima sa Sitio Talos, Brgy. Igmayaan, banwa sang Don Salvador Benedicto.

Ang Santos nga Misa ginpangunahan ni Fr. Romeo Tumonong kag gintambungan sang Media Relations Officer sang Vallacar Transit Inc. nga si Jade Marquez – Seballos, empleyado, media kag sang mga pumuluyo sang amo nga lugar.