Tatlo ka pasahero sang Ceres bus ang napilasan matapos nagbunggo ini sa isa ka ten wheeler nga delivery truck kahapon sang hapon sa Barangay Mambatad, Miag-ao, Iloilo.
Ginkilala ang mga napilasan nga sanday Florencia Cornel, 67 anyos sang Mandurriao, isa ka pito ka tuig nga bata nga babaye nga taga-San Joaquin, kag si Chessa Rasa , 27 anyos sang Parañaque.
Ginpahayag ni Police Chief Inspector Norlan Perante sang Miag-ao PNP nga natabu ang aksidente mga ala 1:30 kahapon sang hapon samtang nagapadulong sa Antique ang truck nga ginamaneho ni Roger Alquisal sang Libertad, Antique sang masugata sini ang Ceres bus nga ginamaneho ni Jay Oberio, 30 anyos nga nag-overtake sa isa ka van sa bahin sang Barangay Mambatad, Miag-ao.
Bangud sini, nagluntad ang head on collision kon sa diin pareho nga wasak ang wind shield kag panguna nga bahin sang duha ka salakyan nga gintunaan sang pagkapilas sang tatlo ka nasambit nga pasahero sang bus.
Wala man napilasan ang driover kag pahinante sang truck samtang yara na sa custody sang Miag-ao PNP ang driver sang Ceres bus.
