Ceres: Wala kami kapanukot sang terminal fee

BACOLOD CITY – Gina-klaro sang Vallacar Transit/Ceres Liner ang report nga nagapanukot sila sang terminal fee sa North bound terminal kag ila gina-pwersa ang mga jeep nga mag-patughong sa ila mismo gasolinahan.

Suno kay Vallacar Legal and Public Relations Manager Jade Marquez nga indi matu-od nga ila gina-pwersa ang mga jeep nga dira gid sa ila mag-bakal sang krudo ukon gasolina.

Ini matapos nga wala na kagapon nag-park ang pila ka jeep nga naga-byahe northbound dira sa Ceres Terminal bangud nga suno sa UNDOC ukon United Drivers and Operators Center, nagangakig ang Ceres Management bangud nga wala na dira sa ila nagapagasolina ang pila ka drivers.


Bangud sini, ang mga pasahero nga magapadulong kuntani sa Burgos-Shopping area, ang na-stranded kagapon sang aga.

Nag-decide ang Ceres nga magpa-gwa sang duwa ka units agud nga i-dul-ong ang mga pasahero nga late na sa ila klase kag trabaho kagapon apang duwa naman sa Ceres Liner ang gin-dakup sang BTAO bangud out-of-route ang mga ini.

Samtang, nagpulong naman kagapon ang UNDOC, Ceres, BTAO kag opisina ni Councilor Dindo Ramos agud nga resolbahon ang amo nga issue./dyHB BACOLOD

Facebook Comments