Usa ka chainsaw operator didto sa Tandag city, Surigao del Sur ang gipusil patay sa gitoohang sakop sa New Peoples’ Army (NPA).
Sa report sa kwerpo sa kapulisan, giila ang biktima nga si Recto Duazo Bejon, alyas “Ontong”, 50 anyos, minyo, chainsaw operator ug residenti sa Purok Aguinaldo, brgy. Buenavista, Tandag city.
Gikabutyag nga ang biktima kauban sa giilang Jonathan Suazo Gauran ang namutol ug kahoy sa bukirang bahin sa barangay Buenavista sa dihang niabot sa lugar ang dili moubos sa 10 ka mga suspek nga gitoohang membro sa NPA Guerilla Front 30, ug nipusil sa biktima katulo ka higayon igu sa likud nga bahin nga miresulta sa iyang kamatayon.
Wala pa matinu kung unsay motibo sa pagpusil sa biktima sa mga sakop sa NPA.
Sent from my Samsung Galaxy smartphone.
