Davao City – Arestado sa mga otoridad ang usa ka lalake human naghuramentado ug nanggukod sa mga trisikad driver sa Toril Poblacion, Davao City, alas 9:00 sa kabuntagon.
Naabtan pa sa mga elemento sa Toril PNP ang suspek nga si Jessie Perucho, 29 anyos, chainsaw operator, nagpuyo sa Barangay Daliao, Toril Davao City nga nagwara-wara sa gibitbit niining sundang ug gigukod si Hermigildo Dayon, trisikad driver, aron tigbason.
Giaresto sa mga pulis ang suspek ug gibalhog sa selda sa presinto sa kapulisan human ma-obserbahi nga hubog ang dinakpan.
Gipasaka na sa kapulisan ang kasong grave threat didto sa City Prosecutor’s Office batok sa naghuramentado.
RadyoMaN Erin Lumosbog
Facebook Comments
