Pagadian City, Zamboanga del Sur – Giangkon ni Konsehal Maphilindo Oba-ob ang chairman sa committee on laws ug peace and order nga minaog siya isip chairman sa nahisgutang komitiba gumikan sa problema sa panglawas.
Sa ika-56th Regular Session sa 12th City Council nahimo pa nga floor leader si konsehal Oba-ob og nakugang ang kadaghanan sa kalit nga desisyon niini nga monaug isip pangulo sa komitiba.
Hinoon gipatin-aw sa konsehal bisan dili na siya ang chairman sa naasoy nga komitiba mopakita gihapon siya sa pagsuporta sa bag-ong gituboy nga chairman nga si Konsehal Ric Alajeño.
Sakit sa ulo ug mata ang gihimong rason ni Oba-ob sa iyang pagkanaug.
Facebook Comments
