Gi-angkon ni City Councilor Renato Ancis chairman sa committee on water sa hawanan sa konseho nga problema nila karon ang pagsuta sa mga panimalay labot sa direktang pagbomba sa supply sa tubig.
Gani, bisan ang task force nga gimugna ni City Mayor Celso Regencia sumala ni Ancis maglisod sa pagsuta tungod daghang panimalay o residente sa mga barangay dili mo cooperate panahon sa ilang pagpang-inspection.
Tungod niini, gihangyo ni Ancis ang mga barangay officials sa pagtabang kanila nga dali makahatag ug impormasyon labot sa dili makatarunganong pagkuha ug supply sa tubig aron kini dali nga ma-aksyonan sa Iligan City Water Works Office.
Gipanghinaut ni Ancis ang kooperasyon sa katawhan aron patas nga mahatud ang tubig sa tagsa-tagsa ka mga kabalayan sa nagkadaiyang barangay dinhi sa dakbayan sa iligan.
| | Virus-free. www.avast.com |
