Davao City – Daghang mialma sa desisyon sa Quezon City Prosecutor’s Office nga pagbasura sa grave threat complaint nga gi-file ni Representative France Castro batok kang kanhi Presidente Rodrigo Duterte.
Butyag sa Facebook post ni Al Manalo, walay hustisya ang Pilipinas tungod matud pa bisan adunay public video ug wala mipakita si Duterte sa hearing, gi-dismiss gihapon ang kaso sa korte.
Apan bisan sa nagbahang mga negatibong komento, pipila ka Davaoeños dungan misinggit og ‘CHECKMATE’ tungod alang kanila kapildihan kini ni Castro ug sa tanang mga buot mupatumba sa pamilya Duterte.
Samtang subay niini, sa una nang pakighinabi sa DXDC RMN Davao sa usa ka political analyst/journalist nga si Ver Bermudez, iyang gibutyag nga angayang irespeto ang duha ka kampo tungod katungod ni Castro nga dalaon sa korte ang reklamo ug kung unsa man ang resulta, angayang respetohon ang desisyon sa korte kay niagi man kini sa tukmang proseso.
RadyoMaN Ivy Parido
Facebook Comments
