Tulo na ang patay human nabanggaan sa usa 10 wheeler truck nga kargahanan ug tubo ang Community Quarantine Control Checkpoint sa Sayre Highway, Camp 1, Maramag, Bukidnon alas 10:45 kagabie, Marso 20, 2020.
Ang mga biktima nga nakabsan sa ilang kinabuhi nailang sila si:
1. Jomalyn Buhayon, 34 anyos, minyo ug usa ka Barangay Health Worker kon BHW
2. Margie Maribao, usa ka BHW
3. Brgy. Kagawad Aldren Gaitera
Ang tulo maoy nag-man sa mao nga checkpoint nga susamang taga North Poblacion, Maramag, Bukidnon.
Gisulayan pa ug dala sa balay tambalanan ang duha ka mga BHW apan gideklara kini dead on arrival samtang kaganehang kadlawon nakutluan sa iyang kinabuhi ang barangay kagawad.
Gawas sa mga biktima aduna pay usa ka midwife ang kritikal nga si Beth Lumanca, nga naa karon sa balay tambalanan sa dakbayan sa Valencia.
Ang suspek nga driver mao si Jemuel Ompoc, 24 anyos, ulitawo nga taga Kimanait, Pangantucan, Bukidnon.
Nisulay pa ug sibat ang driver nga gi-ingon lango sa ilimnong makahubog apan nadakpan ra usab kini sa mga pulis ug Barangay Tanods.
Matud pa sa PNP nga gikan sa lungsod sa Maramag ang mao nga tubo-tubo ug paingon unta kini sa lungsod sa Don Carlos apan paghidangat sa mao nga dapit aksidenteng nabanggan niini ang gimontar nga checkpoint.
Sa karon anaa na sa kustodiya sa Maramag Municipal Police Station ang suspetsado.
