Sa interview sa DXDC RMN Davao kang Christopher Pulido, Commission on Higher Education (CHED) Davao Supervising Education Program Specialist, iyang gibutyag nga sukad 2014, adunay memorandum ang CHED nga pwede ra nga maka-exam ang usa ka estudyante, luyo sa bayronon niini basta aduna lamang kini promissory note.
“They may still take the school examination as long as they would execute a promissory note that is guaranteed by their parents or guardians. Kung pugngan man nato ang bata, it would be towards the end of the curriculum year. Meaning to say, it will become part of their clearance prior to their graduation,” tataw ni Pulido.
Nasabtan sa CHED-Davao official ang kahadlok sa mga pribadong eskwelahan sa giduso sa pagpahunong sa “no permit, no exam” policy ilabi na nga kini ang gikonsiderang “lifeblood” sa pagpadagan sa operasyon sa eskwelahan, apan kinahanglang ikonsidera usab sa tulunghaan ang kaayohan sa mga estudyante, diin kini posibleng makaapekto usab sa ilang mental health.
RadyoMaN Kirby Manzon
