Kini human nga nag-viral ang graduation rites sa usa ka eskwelahan sa Kapalong, Davao del Norte asa nag-TikTok dance ang mga estudyante, diin para sa ubang netizens, informal kun dili appropriate ang ilahang mga aksyon.
Sa interview sa DXDC RMN Davao kang Christopher Pulido, Supervising Education Program Specialist sa CHED-Davao, iyahang gibutyag nga sa bahin sa CHED isip regulatory institution, buot lamang nila nga magbaton og simple nga graduation ceremony human nga dunay reklamo kaniadto sa ginikanan tungod sa “bongga” sa aktibidad diin dako usab ang galastuhon.
“Ang question ana karon, kadto ba nga gibuhat nila sanctioned ba na sa institution? If it is sanctioned by the institution, it means to say that such actions are accepted sa ilaha. Honestly, CHED has no policy nga nag-ingon nga dapat sa isa ka graduation ceremony, ingon ani dapat, ingon ana,” saysay ni Pulido.
Dugang sa CHED-Davao official kung kinahanglanon, pwede usab magmugna og palisiya ang CHED sa umaabot kalabot sa unsay pwede ug dili pwedeng himuon atol sa graduation ceremonies.
RadyoMaN Kirby Manzon
