CHED-XI: 10 Higher Education Institutions sa rehiyon nakapatuman na sa f2f classes

Davao City – Gibutyag sa Commission on Higher Education (CHED-XI) nga napulo (10) pa lang sa 105 ka public ug private Higher Education Institutions (HEIs) sa Davao Region, ang nakapatuman og full face-to-face (F2F) classes base sa November 2022.

Sa interbyu sa DXDC RMN Davao kang Christopher Pulido, CHED-XI Supervising Education Program Specialist, gibutyag niini nga sagad rason nganong wala pa nakabalik ang kadaghanan sa mga eskwelahan sa in-person learning, mao ang challenges sa mga eskwelahan sa ilang classrooms, availability sa faculty ug ang pagkonsidera sa implementasyon sa health protocols batok Coronavirus Disease 2019 (COVID-19) ug ulahing pagpagula sa direktiba.

Gipasabot ni Pulido nga sa direktiba, kinahanglang maaprubahan sa CHED ang mga tulunghaan nga padayong makapatuman og full distance learning lakip na ang online modality.

“If they would be delivering the programs without prior authority sa CHED, naa man nay mga corresponding sanctions such as let’s say pag-phase out sa ilang mga programa nga walay authority sa CHED,” saysay ni Pulido.

Kahinumduman sa direktiba sa CHED, dili na nila itugot ang online classes sa mga college students sugod sa ikaduhang semester sa school year 2022-2023.

RadyoMaN Kirby Manzon