CHED-XI: Pagsuot og face mask, magdepende sa eskwelahan

Davao City – Nakadepende sa eskwelahan partikular na college o university ang pagpatuman sa ilang kaugalingong palisiya sama sa pagsuot og face mask, ilabi na kung hisgutan ang health concerns.

Sa interview sa DXDC RMN Davao kang Christopher Pulido, Supervising Education Program Specialist sa Commission on Higher Education (CHED)-Davao, iyang gitataw nga ang mga Higher Education Institution lakip na ang mga Local Government Unit (LGU) ang mas nasayud kung unsa ang lakang nga mas makaayo kanila ilabi na nga misiaw karon ang mga kaso sa ubo, sip-on ug trangkaso ug flu.

“Of course, we are encouraging nga magamit gyud og face mask but still we have to rely on the wisdom sa atong LGU kung unsa man ang ilang gusto nga mahimo natong minimum health standards,” matud ni Pulido.

Nasayrang nagpagula og direktiba ang Department of Education (DepEd)-Davao City Division alayon usab sa rekomendasyon sa Davao City Health Office kalabot sa pagpasuot og face mask sa mga estudyante ilabi na kadtong adunay simtomas sa viral respiratory illnesses.

RadyoMaN Kirby Manzon