Chicken products sa Iloilo, hilway kaunon

ILOILO CITY – Hilway kaunon ang mga chicken products sa siyudad sang Iloilo.

Ini ang ginpat-od ni City Agriculturist Romulo Pangantihon matapos nagluntad ang Avian flu outbreak sa Pampanga.

Suno kay Pangantihon nga wala sang dapat kabalak–an ang mga pumuluyo sang siyudad kon luyag nila magkonsumo sang manok bangud naghalin lamang ang mga ini sa mga poultry farms sa probinsya sang Iloilo.


Nagpahayag man sang paglaum si Pangantihon nga indi na maglapta ang Avian flu sa iban nga lugar lakip na sa Iloilo bangud sa ginahimo nga tikang sang Department of Agriculture kag Department of Health nga ma-contain kag indi na maglapta ang Avian flu sa iban nga lugar.

Facebook Comments