El hefe del PNP Director General Ronald Dela Rosa ya visita este dia na ciudad de Isabela na provincia de Basilan para determina el situacion y estado del mga pulis na mensyonao provincia que bajo na Mando Rehiyunal Nueve.
Mismo el provincial director del Basilan PNP Senior Supt. Nickson Muksan amo el ya engcontra con Dela Rosa ya ya ofrece coneste el arrival honors.
Ya chene tambien que man cuento si Dela Rosa con el mga pulis bajo na Basilan Provincial Command y ya conduci un command conference junto con el liderato del policia na provincia.
Mensaje de Dela Rosa con el mga pulis para continua el diila servicio publico na mga vivientes y intensifica el campanya contra criminalidad na provincia.
Desfues del su corto visita na Basilan ya bira otraves si Dela Rosa na ciudad de Zamboanga antes este bula otraves para na Metro Manila. – *Bhong Simbajon/RMN News*
