Pagadian City – Nakalingkawas sa kamatayon ang usa ka mekaniko human kini gisulayan pagpatay sa wala pa maila nga mga suspetsado alas 9:5 ang takna kagabii dihang dapita sa Sabello Street, Purok Golden Shower, Barangay San Pedro, sakop ning dakabayan sa Pagadian.
Ang biktima naila nga si Wilmer Madarang Cowno a.k.a. Budha, 34 anyos, lalake, ulitawo, chief mechanic sa LGU Pagadian, residente sa Purok Aguinaldo, Barangay Sto. Niño, sakop ning syudad.
Sa initial nga report nasayran nga ang maong biktima ang kauban sa tulo ka mga bata og sa inahan niini nga gikan sa panimalay sa iyang hinigugma.
Sakay sa Baja Re Tri- Wheeler (Bao- Bao) color pula nga gimaniho sa biktima pag-abot niini sa dapit hitabuan kalit kini nga gipusil sa duha ka wala pa mailang mga suspek nga sakay sa MC raider nga may temporaryo registration plate number nga 090102.
Ang mga suspek managsamang gasul-ob sa gray nga jacket, naka-kalsones og maong ug dunay face mask.
Nakahigom ang biktima og igo sa liog niini gamit ang kalebre 45 nga pistola rason nga gidala kini sa Aisah Hospital aron katambalan.
Nakuha sa dapit hitabuan ang usa ka basiyo sa nahisgutang armas.
Padayon pa karon ang gihimong operasyon aron sa pag-ila ug pagsikop sa mga mamumuno.
