Davao City – Gipasabot sa Department of Education (DEPED) nga matag tulunghaan adunay grievance machinery diin ginasunod niini ang grievance structure.
Gipasabot karon ni DEPED-XI spokesperson Jenielito Atillo nga sa hisgutanang Child Protection Policy, adunay komitiba ang gimugna bahin niana diin gilangkuban kini sa mga magtutudlo, representante sa mga ginikanan, mga kabataan nga estudyante lakip ang mga representante sa komunidad kun barangay officials.
“If ever there are abuses committed against the person or the child… the Child Protection Committee should act because if they won’t. they will answer to the policies kay kinahanglan dunay lakang nga makita on their part kay sa Child Protection Policy or bisan sa Anti Bullying Law, naka establish ang proseso og unsaon pag responde kung dunay mga pagpangabuso or bullying situation nga nagapanghitabo sa tulunghaan,” tataw ni Atillo.
Dugang ni Atillo, hagbay nang gipatuman ang DepEd Order No. 40 series of 2012 nga gidisensyo alang sa mga estudyante batok sa bisan unsang porma sa pagpangabuso gikan sa mga magtutudlo, principals, ginikanan ug uban pang adunay gitawag nga ‘superior force.’
Gani strikto nila kining gi-implementar sa entero nasud-Pilipinas inubanan sa implementasyon sa R.A. 10625 kun Anti-Bullying Law.
RadyoMaN Jason Amisola
